2007-05-25, ostirala

Klase hasieran egon gara bakarrik klasean, gure bideoa grabatzera joan baikara Donostitik. Gure bideoak jendea erakartzeko helburua dauka, hau da, Donostiren txoko polit guztiak erakustea eta horrela, bisitari gehiago erakartzeko. Beraz, Joxemik bere bideo kamara utzi eta lanera abiatu gara. Goiza luzea izan da, baina oso polita aldi berean, Ondarreta eta La Concha hondartzetan egon baikara, El Pico del Loron ere egon gara, Miramar Jauregian, Mirakontxan ere eta horrela Alderdi Ederrera iritsi arte. Han ginala, portura hurbildu gara eta Donostiako Udaletxe inguruan ere irudiak grabatu ditugu, oso zonalde polita delako. Azkenik, Boulevarden eta Alde Zaharrean zehar ibili gara, irudi zoragarriak jasotzen. Gure saioa amaitzeko, Unibertsitatera buelta autobusean egin dugu, eta mugimenduan ginala, irudi asko grabatzeko aukera izan dugu. Esan dugun bezala, goiz luzea izan da baina oso ongi pasa dugu eta espero dugu zuei denoi grabatutako irudiak asko gustatzea. Hori bai, grabatutako irudiekin muntaia egingo dugu eta haibat argazkiekin tartekatzeko asmoa daukagu. Beraz, bukatzerakoan, espero dugu denei asko gustatzea, lan gogorra egin baitugu.